मुदत संपलेल्या ठेक्याच्या नावाखाली वसुली सुरूच!
मुदत संपलेल्या ठेक्याच्या नावाखाली वसुली सुरूच! नगरपरिषद प्रशासनाचे दुर्लक्ष की ठेकेदाराची मनमानी? २० लाख ६५ हजार ५०० रुपयांचा ठेका; मुदत संपून दोन महिने उलटले तरी दुकानदारांकडून २० ते ३० रुपयांची वसुली सुरूच! पावती नाही, पैसे न दिल्यास रहल दुकान उचलण्याच्या धमक्या? बिरसा संदेश न्युज वाणी प्रतिनिधि :- वणी :- वणी नगरपरिषदेच्या कर विभागांतर्गत सन २०२५-२०२६ या आर्थिक वर्षासाठी २० लाख ६५ हजार ५०० रुपयांचा ठेका देण्यात आल्याची माहिती समोर येत आहे. मात्र, संबंधित ठेक्याची मुदत सुमारे दोन महिन्यांपूर्वी संपुष्टात आली असतानाही शहरातील लहान-मोठ्या दुकानदारांकडून अद्याप वसुली सुरू असल्याचा गंभीर आरोप करण्यात येत आहे. विशेष म्हणजे, दुकानदारांकडून २० ते ३० रुपयांपर्यंत रक्कम वसूल केली जात असल्याचे सांगण्यात येत असून, अनेक दुकानदारांना पैसे दिल्यानंतर अधिकृत पावती दिली जात नसल्याच्या तक्रारी समोर येत आहेत. काही ठिकाणी पैसे देण्यास नकार दिल्यास दुकानातील साहित्य उचलून फेकून देण्याची धमकी दिली जात असल्याचाही आरोप आहे. छोट्या व्यावसायिकांवर आर्थिक भुर्दंड! दिव...
