सा.बिरसा संदेश न्युज

झरी तालुक्यातील सात गुणवंत शिक्षकांचा गौरव! ‘आयडॉल शिक्षक’ पुरस्काराने शिक्षण क्षेत्राचा मान उंचावला पंचायत समिती झरी येथे विशेष सत्कार सोहळा; शैक्षणिक गुणवत्ता वाढविण्यासाठी शिक्षकांना गटशिक्षणाधिकाऱ्यांचे मार्गदर्शन बिरसा संदेश न्युज  प्रतिनिधि :-  झरी-जामणी :- झरी तालुक्यातील  विद्यार्थ्यांच्या शैक्षणिक गुणवत्तेत वाढ घडवून आणण्यासाठी नावीन्यपूर्ण उपक्रम राबविणाऱ्या आणि उल्लेखनीय कार्य करणाऱ्या शिक्षकांचा सन्मान करण्याच्या उद्देशाने पंचायत समिती झरी येथे ‘आयडॉल शिक्षक’ सत्कार सोहळा उत्साहात संपन्न झाला. महाराष्ट्र राज्य शैक्षणिक संशोधन व प्रशिक्षण परिषद, पुणे यांच्या उपक्रमांतर्गत सन २०२६ साठी झरी तालुक्यातील सात शिक्षकांची ‘आयडॉल शिक्षक’ म्हणून निवड करण्यात आली आहे. शिक्षण विभाग, पंचायत समिती झरी यांच्या वतीने आयोजित या सोहळ्यात निवड झालेल्या शिक्षकांना प्रशस्तीपत्र व भेटवस्तू देऊन सन्मानित करण्यात आले. गुणवंत शिक्षकांच्या कार्याचा अनुभव इतर शिक्षक, विद्यार्थी आणि पालकांपर्यंत पोहोचवून शैक्षणिक क्षेत्रात प्रेरणादायी वातावरण निर्माण करणे हा या उपक्रमाचा मुख...

तालुकास्तरीय विज्ञान प्रदर्शनीत राजर्षी शाहू महाराज हिंदी विद्यालयाचा डंका! ‘वॉटर सेंसर’ प्रतिकृतीला माध्यमिक गटातून प्रथम क्रमांक; ९० शाळांमध्ये वणीच्या शाळेची दमदार कामगिरी बिरसा संदेश न्युज  प्रतिनिधि :-  वणी :-  दि. ४ नोव्हेंबर २०२६ : येथील राजर्षी शाहू महाराज हिंदी विद्यालयाने ५४ व्या तालुकास्तरीय विज्ञान प्रदर्शनीत ‘वॉटर सेंसर’ ही नाविन्यपूर्ण विज्ञान प्रतिकृती सादर करत माध्यमिक गटातून प्रथम क्रमांक पटकावला. या यशामुळे विद्यालयाच्या शिरपेचात मानाचा तुरा रोवला गेला आहे. सुशगंगा पब्लिक स्कूल येथे दि. ३ व ४ नोव्हेंबर २०२६ रोजी आयोजित विज्ञान प्रदर्शनीत तालुक्यातील ९० शाळांनी सहभाग नोंदवून विविध विज्ञान प्रतिकृती सादर केल्या. या प्रदर्शनीत राजर्षी शाहू महाराज हिंदी विद्यालयाच्या विद्यार्थिनी कु. कोमल तिवारी आणि कु. दहीहलीमा शेख यांनी ‘वॉटर सेंसर’ ही प्रतिकृती सादर केली. विद्यालयाचे मुख्याध्यापक श्री. अभय पारखी यांच्या नेतृत्वाखाली तसेच शिक्षक श्री. तुषार घाने आणि कु. भाग्यश्री लांडे यांच्या मार्गदर्शनात विद्यार्थिनींनी या प्रतिकृतीची तयारी केली. दोन दिवसीय ...

तालुकास्तरीय विज्ञान प्रदर्शनीत राजर्षी शाहु महाराज हिंदी विद्यालयाने प्रथम क्रमांक पटकावुन मानाचा तुरा रोवला  बिरसा संदेश न्युज  प्रतिनिधि :-  वणी -- ‌येथील सुशगंगा पब्लीक स्कुल मध्ये दि.3 व 4 नोव्हें.2026 रोजी आयोजित 54 वे तालुकास्तरीय विज्ञान प्रदर्शनीमध्ये तालुक्यातील 90 शाळेतील प्रतिकृती सादर झाल्यात त्यामध्ये राजर्षी शाहु महाराज हिंदी विद्यालयाने सहभाग घेऊन "वॉटर सेंसर" नावाची प्रतिकृती सादर केली.      श्री.अभय पारखी,मुख्याध्यापक यांचे नेत्रुत्वात व शिक्षक श्री.तुषार घाने व कु.भाग्यश्री लांडे यांचे मार्गदर्शनात विद्यार्थी कु.कोमल तिवारी,कु.दहीहलीमा शेख यांनी प्रतीकृती सादर केल्या.दोन दिवसीय प्रदर्शनीत झालेल्या परिक्षणात उत्कृष्ट प्रतिकृती व सादरीकरणात परिक्षकांनी राजर्षी शाहु महाराज हिदी विद्यालयाचे प्रतिकृतीला माध्यमिक गटातून प्रथम क्रमांक घोषित केला.     शाळेने तालुक्यातुन प्रथम येण्याचा मान मिळविल्याबद्दल संस्थेचे सचिव श्री.ओमप्रकाश चचडा,सदस्य श्री.विक्रांत चचडा,मुख्याध्यापक श्री.अभय पारखी सरांसह सर्व स्तरातुन अभिनंदन केल्य...

बँकेची भिंत फोडली, तिजोरी ओढून नेली अन् सव्वासहा लाखांवर डल्ला! पाटन येथील बँक ऑफ महाराष्ट्रमध्ये धाडसी चोरी; ६ लाख २४ हजार ९२९ रुपयांचा मुद्देमाल लंपास, सीसीटीव्हीचा डीव्हीआरही गायब बिरसा संदेश न्युज प्रतिनिधि :-   झरी-जामणी :- तालुक्यातील पाटन येथील बँक ऑफ महाराष्ट्र शाखेत अज्ञात चोरट्यांनी धाडसी चोरी करत बँकेच्या सुरक्षेला आव्हान दिले आहे. बँकेच्या मागील भिंतीला भगदाड पाडून आत प्रवेश करणाऱ्या चोरट्यांनी लोखंडी तिजोरी बाहेर ओढून नेली आणि काही अंतरावर फोडून त्यातील लाखोंची रोकड लंपास केली. मंगळवारी सकाळी हा धक्कादायक प्रकार उघडकीस आला. भिंतीला भगदाड, तिजोरीला लक्ष्य! मिळालेल्या माहितीनुसार, सोमवारी, दि. २ नोव्हेंबर रोजी सायंकाळी ६.४० वाजता बँकेचे नियमित कामकाज आटोपून शाखा बंद करण्यात आली होती. त्यानंतर सर्व कर्मचारी घरी गेले. रात्रीच्या अंधाराचा फायदा घेत अज्ञात चोरट्यांनी बँकेच्या मागील बाजूची भिंत फोडून आत प्रवेश केला. त्यानंतर थेट लोखंडी तिजोरीला लक्ष्य करत ती बाहेर काढली. तिजोरी बँकेपासून सुमारे २५० ते ३०० फूट अंतरावर ओढून नेल्यानंतर फोडण्यात आली. त्या...

घोंसा येथील स्वस्त धान्य दुकानात अंत्योदय लाभार्थ्यांची पाच ते सहा वर्षांपासून फसवणूक? ३५ किलो धान्याऐवजी केवळ ५ ते १० किलो धान्य मिळत असल्याचा आरोप; दुकान परवानाधारकाच्या कारभाराची चौकशी करण्याची मागणी बिरसा संदेश न्युज  प्रतिनिधि :- वणी : - तालुक्यातील घोंसा येथील स्वस्त धान्य दुकान क्रमांक १२५/९८ मध्ये अंत्योदय योजनेच्या लाभार्थ्यांना नियमानुसार मिळणाऱ्या अन्नधान्यापासून वंचित ठेवले जात असल्याचा गंभीर आरोप करण्यात आला आहे. मागील पाच ते सहा वर्षांपासून लाभार्थ्यांना ३५ किलो धान्याऐवजी केवळ ५ ते १० किलो धान्य दिले जात असल्याची तक्रार असून, या प्रकरणाची सखोल चौकशी करण्याची मागणी आंबेडकरी जनआंदोलन, वणी विधानसभा क्षेत्राच्या वतीने करण्यात आली आहे. घोंसा येथील स्वस्त धान्य दुकानाचे परवानाधारक श्री. जी. एच. डंबारे हे १९९८ पासून रास्त भाव दुकान चालवत असल्याचे निवेदनात नमूद करण्यात आले आहे. अंत्योदय योजनेतील लाभार्थ्यांना त्यांच्या हक्काचे धान्य पूर्ण प्रमाणात न देता कमी धान्य पुरवठा केला जात असल्याचा आरोप करण्यात आला आहे. लाभार्थ्यांच्या अज्ञानाचा फायदा घेत अनेक वर्षांपासून ...

वणीतील WCL सुरक्षा रक्षकाच्या खुनाचा उलगडा; आरोपी २४ तासांत पोलिसांच्या ताब्यात! तक्रार घेण्यावरून झालेल्या वादातून निर्घृण हत्या; स्थानिक गुन्हे शाखा यवतमाळची यशस्वी कारवाई बिरसा संदेश न्युज  प्रतिनिधि :- वणी :-  दि. २ नोव्हेंबर २०२६ : वणी तालुक्यातील कोलारपिंपरी येथील प्रगती नगर कॉलनी परिसरात WCL सुरक्षा रक्षकाचा खून झाल्याच्या घटनेचा स्थानिक गुन्हे शाखा, यवतमाळ यांनी अवघ्या २४ तासांत उलगडा केला आहे. सुरक्षा रक्षकाच्या हत्येप्रकरणी अंचल मोहन उईके (वय २८, रा. प्रगती नगर कॉलनी, कोलारपिंपरी, वणी) याला पोलिसांनी ताब्यात घेतले आहे. काय आहे नेमके प्रकरण? मृतक ओमप्रकाश हिरा प्रसाद (वय ४५) हे कोलारपिंपरी येथील क्षेत्रीय प्रबंधक कार्यालयात सुरक्षा रक्षक म्हणून कार्यरत होते. दिनांक ३१ ऑक्टोबर २०२६ रोजी रात्री कार्यालय परिसरात त्यांच्या डोक्यावर, कपाळावर व चेहऱ्यावर गंभीर वार करून अज्ञात आरोपीने त्यांची हत्या केली होती. या घटनेप्रकरणी वणी पोलीस ठाण्यात अपराध क्रमांक ११५९/२०२६, भारतीय न्याय संहिता कलम १०३(१) अन्वये खुनाचा गुन्हा दाखल करण्यात आला होता. तक्रार घेण्यावरून वाद; ...

क्लोजर नोटीस बजावलेल्या कोळसा डेपोवर तात्काळ कारवाई करा! ५ नोव्हेंबरला लाल पुलिया चौफुली येथे रास्ता रोको आंदोलनाचा इशारा; लाल पुलिया संघर्ष समितीचे प्रदूषण नियंत्रण मंडळाला निवेदन बिरसा संदेश न्युज  प्रतिनिधि :-   वणी, यवतमाळ : चिखलगाव ते सोमनाडा परिसरातील कोळसा डेपोंमुळे वाढत असलेले धूळप्रदूषण अवजड वाहनांची अनियंत्रित वाहतूक अपघातांचा धोका आणि नागरिकांच्या आरोग्याचा प्रश्न गंभीर बनला आहे. महाराष्ट्र प्रदूषण नियंत्रण मंडळाने सर्वेक्षणानंतर ज्या कोळसा डेपो धारकांना Closure Direction Notice बजावल्या आहेत त्या डेपोवर तात्काळ कायदेशीर कारवाई करून बंद व सील करण्यात यावे अशी मागणी लाल पुलिया संघर्ष समिती व परिसरातील नागरिकांनी केली आहे. यासंदर्भात समितीचे निलेश सोनटक्के व परिसरातील नागरिकांच्या वतीने महाराष्ट्र प्रदूषण नियंत्रण मंडळाचे प्रादेशिक अधिकारी, चंद्रपूर यांना निवेदन सादर करण्यात आले आहे. सर्वेक्षणानंतरही डेपो सुरू असल्याचा आरोप निवेदनानुसार दिनांक २६ ते २८ नोव्हेंबर २०२५ दरम्यान महाराष्ट्र प्रदूषण नियंत्रण मंडळामार्फत संबंधित कोळसा डेपोचे सर्वेक्षण करण्यात आले...

मुदत संपलेल्या ठेक्याच्या नावाखाली वसुली सुरूच! नगरपरिषद प्रशासनाचे दुर्लक्ष की ठेकेदाराची मनमानी? २० लाख ६५ हजार ५०० रुपयांचा ठेका; मुदत संपून दोन महिने उलटले तरी दुकानदारांकडून २० ते ३० रुपयांची वसुली सुरूच! पावती नाही, पैसे न दिल्यास रहल दुकान उचलण्याच्या धमक्या? बिरसा संदेश न्युज  वाणी प्रतिनिधि :-  वणी :-  वणी नगरपरिषदेच्या कर विभागांतर्गत सन २०२५-२०२६ या आर्थिक वर्षासाठी २० लाख ६५ हजार ५०० रुपयांचा ठेका देण्यात आल्याची माहिती समोर येत आहे. मात्र, संबंधित ठेक्याची मुदत सुमारे दोन महिन्यांपूर्वी संपुष्टात आली असतानाही शहरातील लहान-मोठ्या दुकानदारांकडून अद्याप वसुली सुरू असल्याचा गंभीर आरोप करण्यात येत आहे. विशेष म्हणजे, दुकानदारांकडून २० ते ३० रुपयांपर्यंत रक्कम वसूल केली जात असल्याचे सांगण्यात येत असून, अनेक दुकानदारांना पैसे दिल्यानंतर अधिकृत पावती दिली जात नसल्याच्या तक्रारी समोर येत आहेत. काही ठिकाणी पैसे देण्यास नकार दिल्यास दुकानातील साहित्य उचलून फेकून देण्याची धमकी दिली जात असल्याचाही आरोप आहे. छोट्या व्यावसायिकांवर आर्थिक भुर्दंड! दिव...

कोळसा प्लॉट स्थलांतराच्या निर्णयाची अंमलबजावणी करा! २७ ऑक्टोबरला चिखलगाव वाय-पॉईंट येथे रास्तारोको आंदोलनाचा इशारा प्रशासनाच्या ‘नो ऑपरेशन’ निर्णयाची लेखी प्रत व तातडीच्या कार्यवाहीची लाल पुलिया संघर्ष समितीची मागणी बिरसा संदेश न्युज  वणी, यवतमाळ | प्रतिनिधी :-  भारती पेंदोर  वणी :-  तालुक्यातील सोमनाळा ते चिखलगाव चौफुली परिसरातील कोळसा प्लॉट, कोळसा डेपो, ओव्हरलोड वाहतूक आणि प्रदूषणाच्या प्रश्नावरून नागरिकांमध्ये चिंता व्यक्त केली जात आहे. या समस्येवर तोडगा काढण्यासाठी जिल्हाधिकारी यांच्या स्तरावर झालेल्या संयुक्त बैठकीत ‘नो ऑपरेशन’ असा निर्णय झाल्याचे सांगण्यात येत असले, तरी त्याची प्रत्यक्ष अंमलबजावणी आणि लेखी आदेशाबाबत अद्याप स्पष्टता नसल्याचा आरोप लाल पुलिया संघर्ष समितीने केला आहे. या पार्श्वभूमीवर कोळसा प्लॉट स्थलांतराच्या निर्णयाची तातडीने अंमलबजावणी करावी, संबंधित आदेशाची लेखी प्रत द्यावी आणि प्रशासनाने स्पष्ट भूमिका जाहीर करावी, या मागणीसाठी मंगळवार, दिनांक २७ ऑक्टोबर २०२६ रोजी चिखलगाव वाय-पॉईंट येथे रास्तारोको आंदोलन करण्यात येणार असल्याचा इशारा...

एमआयडीसीतील अवैध मद्यसाठा प्रकरण गाजतेय! १२.६३ लाखांचा मुद्देमाल जप्त; चौकीदाराच्या अटकेनंतर मुख्य सूत्रधार कोण, याबाबत प्रश्नचिन्ह बिरसा संदेश न्यूज  वणी | प्रतिनिधी : भारती संतोष पेंदोर वणी : वणी शहरातील भालर रोडवरील एमआयडीसी परिसरात अवैधरित्या साठवून ठेवलेला देशी-विदेशी मद्यसाठा राज्य उत्पादन शुल्क विभागाच्या अमरावती विभागीय भरारी पथकाने जप्त केला. या कारवाईत मद्याच्या तब्बल १५ हजार ३९२ बाटल्या आणि महिंद्रा बोलेरो वाहन असा एकूण १२ लाख ६३ हजार ८४० रुपयांचा मुद्देमाल जप्त करण्यात आला. या प्रकरणी गोडाऊनवर चौकीदार म्हणून काम करणाऱ्या व्यक्तीला अटक करण्यात आली असली, तरी मद्यसाठ्याचा मूळ मालक कोण आणि या अवैध व्यवहारामागे नेमके कोण आहे, हे अद्याप स्पष्ट झालेले नाही. त्यामुळे या कारवाईचा तपास पुरवठा साखळीतील मुख्य व्यक्तींपर्यंत पोहोचणार का, याकडे सर्वांचे लक्ष लागले आहे. बंद गोडाऊनवर छापा; वाहनात आढळला मद्यसाठा मिळालेल्या माहितीनुसार, भालर रोडवरील एमआयडीसी परिसरातील एका बंद गोडाऊनमध्ये मोठ्या प्रमाणावर अवैध मद्यसाठा करून त्याचा इतरत्र पुरवठा केला जात असल्याची माहिती राज्य उ...

मौजा मेंढोली येथील किसान क्रांती शेतकरी बचत गटातील सर्व शेतकऱ्यांना कापूस विकास कार्यक्रमांतर्गत बियाण्यांचे वितरण बिरसा संदेश  न्यूज प्रतिनिधी   वणी :- तालुक्यातील मेंढोली (दि. २५ जून २०२६): केंद्र शासनाच्या कापूस विकास कार्यक्रम (कापूस क्रांती) २०२६–२७ अंतर्गत मौजा मेंढोली येथील किसान क्रांती शेतकरी बचत गटातील सर्व शेतकरी बांधवांची ऑनलाइन पद्धतीने निवड करण्यात आली. या योजने अंतर्गत प्रत्येक पात्र शेतकऱ्यास 1.00 हेक्टर क्षेत्रासाठी कापूस बियाण्यांचे वितरण करण्यात आले.सदर बियाण्यांचे वितरण मा. श्री. दिपीप राऊत, तालुका कृषी अधिकारी, वणी यांच्या मार्गदर्शनाखाली पार पडले. शेतकरी गटांची निर्मिती करून शेतकऱ्यांनी एकत्रितपणे आधुनिक कृषी तंत्रज्ञानाचा अवलंब करावा, कमी खर्चात अधिक उत्पादन घेऊन शेती अधिक फायदेशीर करावी, या उद्देशाने किसान क्रांती या शेतकरी बचत गट तयार करण्यात आला आहे. या उपक्रमासाठी सरपंच सौ सविता वि ढवस उपसरपंच श्री सुभाष कुमरे गटाचे अध्यक्ष श्री भालचंद्र वासेकार सदस्य श्री मनोज काळे, श्री दीपक बल्की, सुरेश भोयर, श्रीराम पाचभाई, श्री गणेश नागत...

साधनकरवाडीतील रस्त्याच्या प्रश्नावर ग्रामस्थ आक्रमक; शासन निधीच्या दुरुपयोगाची चौकशी करण्याची मागणी १ जुलैपासून आमरण उपोषणाचा इशारा; सरपंचांकडून स्वतःच्या लेआउटसाठी निधी वापरल्याचा गंभीर आरोप डॉ. शैलेश गजानन आत्राम बिरसा संदेश न्यूज वणी प्रतिनिधी वणी :- तालुक्यातील चिखलगाव ग्रामपंचायत अंतर्गत येणाऱ्या साधनकरवाडी येथील नागरिकांनी रस्त्याच्या प्रश्नावर तीव्र नाराजी व्यक्त करत गटविकास अधिकारी, पंचायत समिती वणी यांच्याकडे निवेदन सादर केले आहे. तसेच शासनाच्या विकास निधीचा कथित दुरुपयोग करून काही निवडक भागांमध्ये कामे करण्यात आल्याचा गंभीर आरोपही ग्रामस्थांनी केला आहे. निवेदनानुसार साधनकरवाडी परिसरात डॉ. किशोर मोघे यांच्या घरापासून बुऱ्हाणी यांच्या घरापर्यंतचा रस्ता गेल्या तीन वर्षांपासून अत्यंत खराब अवस्थेत असून या मार्गाच्या बांधकामासाठी ग्रामस्थांकडून वारंवार मागणी करण्यात येत आहे. मात्र ग्रामपंचायत प्रशासनाकडून या मागणीकडे दुर्लक्ष करण्यात येत असल्याचा आरोप करण्यात आला आहे. ग्रामस्थांच्या म्हणण्यानुसार, संबंधित रस्त्याची अवस्था अत्यंत दयनीय असून नागरिक...

अपूर्ण राहिलेली कला, काळाच्या पडद्या आड हरपला कलाकार... युवा टॅटू डिझायनर राज मेश्राम यांचे हदय विकाराने निधन बिरसा संदेश न्यूज प्रतिनिधी अमरावती :-  बडनेरा शहरातील युवा, प्रतिभावान आणि आपल्या कलेच्या माध्यमातून अनेकांच्या मनावर कायमस्वरूपी छाप उमटवणारे टॅटू डिझायनर राज मेश्राम यांच्या अकाली निधनाची बातमी अत्यंत दुःखद आणि मन हेलावून टाकणारी आहे. त्यांच्या निधनाने केवळ त्यांच्या कुटुंबीयांवरच नव्हे, तर मित्रपरिवार, ग्राहक आणि संपूर्ण बडनेरा शहरावर शोककळा पसरली आहे. टॅटू ही केवळ शरीरावर कोरलेली कलाकृती नसते, तर ती व्यक्तीच्या भावना, आठवणी आणि आयुष्यभर जपल्या जाणाऱ्या क्षणांचे प्रतीक असते. राज मेश्राम यांनी आपल्या कुशल हातांनी आणि कल्पकतेने असंख्य व्यक्तींच्या आयुष्यावर अमिट ठसा उमटवला. त्यांच्या प्रत्येक कलाकृतीत सर्जनशीलता, समर्पण आणि परिपूर्णतेचा ध्यास दिसून येत होता. आज राज आपल्यात नसले तरी त्यांनी रेखाटलेली कला, त्यांनी जिंकलेली माणसे आणि त्यांनी निर्माण केलेल्या आठवणी सदैव जिवंत राहतील. कलाकाराचे शरीर नश्वर असते, पण त्याची कला अमर असते. राज म...

खारी–बिबा मार्गावरील पुलाचे निकृष्ट बांधकाम; मातीमिश्रित साहित्य वापरल्याचा नागरिकांचा आरो कामाच्या ठिकाणी माहिती फलकाचा अभाव; संबंधित विभाग व ठेकेदारांच्या भूमिकेवर प्रश्नचिन्मेलघाटातील  पुल बांधकामावर भ्रष्टाचाराचे आरोप बिरसा संदेश न्यूज  मेलघाट प्रतिनिधी मेलघाट :- मेळघाटातील चिखलदरा तालुक्यात विविध ग्रामीण भागांमध्ये सुरु असलेल्या काँक्रीट पुल व रपटे बांधकामांवर शासनाकडून लाखो रुपयांचा खर्च करण्यात येत असताना, अनेक ठिकाणी निकृष्ट दर्जाचे काम होत असल्याचा आरोप नागरिकांकडून करण्यात येत आहे. विशेषतः जारीदा मार्गे खारी–बिबा रस्त्यावरील पुल बांधकामाबाबत स्थानिक नागरिक व जयस संघटनेच्या कार्यकर्त्यांनी गंभीर आक्षेप नोंदवले आहेत. सदर पुलाच्या बांधकामामध्ये मातीमिश्रित डस्ट व निकृष्ट दर्जाचे दगड वापरले जात असल्याचा आरोप नागरिकांनी केला आहे. यामुळे पुलाच्या गुणवत्तेबाबत प्रश्न निर्माण झाले असून भविष्यात नागरिकांच्या सुरक्षेचा प्रश्नही ऐरणीवर येण्याची शक्यता व्यक्त केली जात आहे. विशेष बाब म्हणजे, कामाच्या ठिकाणी कोणत्याही प्रकारचा माहिती फलक लावण्यात आलेला नसल...

वणीत एमडी ड्रग्ज रॅकेटवर पोलिसांचा घणाघात; 1.49 लाखांचा मुद्देमाल जप्त बिरसा संदेश न्यूज वणी प्रतिनिधी वणी : अमली पदार्थांच्या विक्री व तस्करीविरोधात सुरू असलेल्या विशेष मोहिमेअंतर्गत वणी पोलिसांनी धडक कारवाई करत 19.27 ग्रॅम एमडी (मेफेड्रोन) अमली पदार्थ व एक मोबाईल असा एकूण 1 लाख 49 हजार 890 रुपयांचा मुद्देमाल जप्त केला. गुप्त माहितीच्या आधारे 19 जून रोजी रात्री गणेशपूर रोड परिसरात छापा टाकून कौतिक उर्फ गोलू दिलीप मेश्राम (वय 28, रा. तेलीफैल, वणी) याला ताब्यात घेण्यात आले. पोलिस चौकशीत जप्त करण्यात आलेला एमडी पदार्थ प्रज्यात उर्फ कॉकरोच महेश उपरे (वय 27, रा. तेलीफैल, वणी) याच्याकडून आणल्याची माहिती समोर आली. याप्रकरणी वणी पोलीस ठाण्यात गुन्हा क्र. 514/2026 अन्वये कलम 8(C), 21(B), 21 एनडीपीएस ॲक्ट अंतर्गत गुन्हा दाखल करण्यात आला आहे. दरम्यान, याच प्रकरणाशी संबंधित यापूर्वी दाखल असलेल्या गुन्हा क्र. 479/2026 मध्ये सहभागी असलेल्या आणखी तीन आरोपींना अटक करण्यात आली असून त्यामध्ये प्रज्यात महेश उपरे (वय 27), अविनाश विजय पाटील (वय 42, रा. छोरिया ले-आऊट, व...

अमरावतीचे माजी आमदार, ज्येष्ठ समाजसेवक व शिक्षकांचे लाडके नेते _मा. श्री. बी. टी. उर्फ भाऊराव देशमुख_ यांचे आज दुःखद निधन झाले आहे.  बिरसा संदेश न्यूज  अमरावती (प्रतिनिधी.)       अमरावती :-  त्यांनी आपल्या प्रदीर्घ सार्वजनिक जीवनात समाजहित, जनकल्याण आणि विकासासाठी दिलेले योगदान सदैव स्मरणात राहील. त्यांच्या निधनाने सामाजिक व राजकीय क्षेत्रातील एक अनुभवी, अभ्यासू आणि लोकाभिमुख नेतृत्व हरपले आहे.        अमरावतीचे ज्येष्ठ शिक्षणतज्ज्ञ, माजी आमदार, अभ्यासू लोकप्रतिनिधी आणि समाजहितासाठी आयुष्यभर कार्य करणारे आदरणीय प्रा. बी. टी. देशमुख सर यांच्या निधनाची बातमी अत्यंत दुःखद आणि वेदनादायी आहे. त्यांच्या निधनाने अमरावतीच्या शैक्षणिक, सामाजिक आणि राजकीय क्षेत्रात कधीही भरून न निघणारी पोकळी निर्माण झाली आहप्रा. बी. टी. देशमुख सर यांनी आपले संपूर्ण आयुष्य शिक्षण, समाजप्रबोधन आणि लोकसेवेसाठी समर्पित केले. शिक्षक म्हणून त्यांनी असंख्य विद्यार्थ्यांच्या आयुष्याला दिशा दिली, तर लोकप्रतिनिधी म्हणून सर्वसामान्य जनतेच्या प्रश्नांन...

वणी तालुक्यात वाढत्या भंगार चोरीमुळे शेतकरी व उद्योग क्षेत्र चिंतेत बिरसा संदेश न्यूज वणी प्रतिनिधी वणी :- प्रतिनिधी :वणी तालुक्यात सिंचन (एरिकेशन) सुविधा असलेली शेती मोठ्या प्रमाणात असून परिसरात अनेक कोळसा खाणी, डब्ल्यूसीएलच्या प्रकल्पांसह विविध कंपन्या कार्यरत आहेत. याशिवाय शहर व ग्रामीण भागात लहान-मोठी सुमारे ४० भंगार खरेदी-विक्रीची दुकाने असल्याचे सांगितले जाते. त्यामुळे भंगार व्यवसाय मोठ्या प्रमाणात सुरू आहे. मात्र, अलीकडील काळात शेतकऱ्यांच्या शेतातील सोलर पॅनलचे साहित्य, बॅटऱ्या, पीव्हीसी व स्प्रिंकलर पाईप, इलेक्ट्रिक केबल, मोटार साहित्य तसेच कंपन्या व खाणींमधील लोखंडी साहित्य चोरीला जाण्याच्या घटना वाढत असल्याची चर्चा नागरिकांमध्ये आहे. चोरीचा माल विविध मार्गांनी भंगार म्हणून विकला जात असल्याची शंका व्यक्त केली जात आहे. ग्रामीण भागातून अनेक भंगार व्यापारी व फिरते भंगार खरेदीदार साहित्य गोळा करून वणीतील मोठ्या भंगार विक्रेत्यांकडे विक्री करतात. मात्र, खरेदी केलेले भंगार कायदेशीररित्या मिळवलेले आहे की चोरीचे आहे, याची पडताळणी कितपत केली जाते, असा प्रश्न उपस...

नवीन ठाणेदारांकडून वणीकरांच्या मोठ्या अपेक्षा; कठोर कारवाईसह पारदर्शक प्रशासनाची मागणी बिरसा संदेश न्यूज वणी | प्रतिनिधी  वणी :- पोलीस स्टेशनमध्ये नव्याने रुजू झालेल्या ठाणेदारांकडून नागरिकांच्या अपेक्षा वाढल्या आहेत. कायदा व सुव्यवस्था अबाधित राखण्यासाठी कठोर भूमिका, महिलांच्या व युवकांच्या सुरक्षिततेला प्राधान्य, जनतेशी थेट संवाद आणि प्रशासनात पारदर्शकता यावर भर दिला जाणार असल्याची चर्चा शहरभर सुरू आहे. वणी शहर व तालुक्यातील बिअर बार, वाईन शॉप, हॉटेल-रेस्टॉरंट व्यवसाय, अवैध दारू विक्री, मटका यांसारख्या बेकायदेशीर धंद्यांवर प्रभावी कारवाई होणार का, याकडे सर्वांचे लक्ष लागले आहे. काही ठिकाणी कारवाईची अपेक्षा व्यक्त होत असली तरी नागरिकांचे म्हणणे आहे की, केवळ सुरुवातीचा धडाका नको तर सातत्यपूर्ण कृती आवश्यक आहे. याशिवाय रेती तस्करी, कोळसा वाहतूक, अनधिकृत प्लॉटिंग, मुरूम उत्खनन आणि भंगार व्यवसायाशी संबंधित गैरप्रकारांवरही प्रशासनाने कठोर पावले उचलावीत, अशी मागणी नागरिकांकडून होत आहे. महिलांच्या सुरक्षिततेसाठी विशेष उपाययोजना, युवकांना सुरक्षित वाताव...